Mujh se nahiN hai ishq so nafrat nahiN use
Nafrat se bhara tha magar paigham to aaya
Uski ZubaaN pe aaj mera naam to aaya
Kahte haiN log us ne mujhe diwana kar diya
Accha hai us ke sar pe ye ilzaam to aaya
Who kahte haiN mujh se door haiN milte nahiN kabhi
Meri wajah se un ko kucch aaraam to aaya
Saaqi ko mujh pe aaj taras aa gaya shayad
Khali hi sahi meri taraf jaam to aaya
Doori jo us men mujh men thi who kam na ho saki
Meri taraf who chal ke do gaam to aaya
Mujh se nahiN hai ishq so nafrat nahiN use
Lo mere fasane men ye muqaam to aaya
Sunte haiN who bhi aaye the meri noha khwani ko
-Arshad ye tera marna kisi kaam to aaya
|